13.1 MENAXHIMI I KONDITAVE TË LËKURËS

13.3 ANESTETIKËT LOKAL DHE ANTIPRURITIKËT

KAOLINA

PASTA E ZINKUT

13.4 KORTIKOSTEROIDET

BETAMETAZONI

HIDROKORTIZONI

13.10 PËRGATESAT ANTIINFEKTIVE PËR LËKURË

13.11 DEZINFEKTUESIT DHE DETERGJENTET

KLORHEKSIDINA

13. Lëkura

13.1 MENAXHIMI I KONDITAVE TË LËKURËS

Për barnat që përdoren lokalisht vehikuli dhe formulimi i zgjedhur shpesh janë po të së njëjtës rëndësi sikurse lënda vepruese. Zgjedhja e mënyrës së formulimit varet nga gjendja e lëkurës në vendin e trajtimit . Suspenzionet dhe xhelet janë të përdorshme në vendet e qimëzuara, kremat kanë veprim ftohës dhe emolient dhe depërtojnë mirë në lëkurë, përdoren në gjendje akute dhe në eksudat. Pomadat janë më okluzive dhe përdoren në trajtimin e lezioneve kronike dhe të thata. Pastat janë më pak okluzive se pomadat dhe përdoren për veprimin protektiv që kanë lezionet e kufizuara.

13.2 EMOLLIENTËT DHE PËRGATESAT MBROJTËSE

13.3 ANESTETIKËT LOKAL DHE ANTIPRURITIKËT

LIDOKAINA

KAOLINA

PASTA E ZINKUT

13.4 KORTIKOSTEROIDET

BETAMETAZONI

Indikacionet:

Mjekimi i ekcemës tek të rriturit dhe fëmijët; ekzemat atopike dhe diskoide; prurigo nodularis; psoriazës; neurodermatozave; dermatiti seborroik; lupus errythematosus discoides. Terapia kur kortikosteroidet tjera më të dobëta nuk kanë treguar sukses.

Kundërindikacionet:

I kontraindikuar te pacientët me mbindjeshmëri ndaj barit, rosacea, acne vulgaris dhe dermatitit përreth gojës, lezionet e infektuara të lëkurës, të shkaktuara nga infeksionet mikotike ose bakteriale, në dermatozat e fëmijeve nën një vjeç.

Veprimet anësore:

Ndryshime atrofike lokale në lëkurë; hiperkorticizmi dhe inhibimi i veprimit të gjëndrrave mbiveshkore. Nëse shfaqen shenjat e tejndjeshmërisë trajtimi duhet të ndërpritet menjëherë.

Dozimi:

Në zonën e prekur aplikohet një sasi e vogël e përgatesës 2 ose 3 herë në ditë deri sa të përmirësohet, pastaj që të mbahet nën kontrollë aplikohet 1 herë në ditë apo edhe më rrallë.

Format farmaceutike:

Pomadë: ( si valerat) 0,1%

Losion :(si valerat) 0,1%

HIDROKORTIZONI

Indikacionet:

Ekcema atopike, infantile, diskoide dhe stazike; prurigo nodularis; neurodermatoza, dermatit seborroik, intertrigo. Mund të përdoret edhe tek otiti i jashtëm.

Kundërindikacionet:

I kontraindikuar te pacientët me tejndjeshmëri ndaj barit; lezionet e lëkurës të shkaktura nga infeksionet virale, mikotike dhe bakteriale.

Veprimet anësore:

Në rast të shfaqjes së shenjave të tejndjeshmërisë, mjekimi ndërpritet. Ndryshime atrofike lokale, inhibim i veprimit të gjëndrrave mbiveshkore në përdorim të gjatë sidimos te foshnjet.

Dozimi dhe mënyra e përdorimit:

Përdoret një sasi e vogël përgatese në zonën e prekur 2 ose 3 herë në ditë.

Format farmaceutike:

Pomadë: 1%

13.5 PËRGATESAT PËR EKCEMË DHE PSORIAZË

13.6 AKNET DHE ROZACEA

13.7 PËRGATESAT PËR LYETHA DHE KALLUSE

13.8 MBROJTËSIT NGA DIELLI DHE KAMUFLUESIT

13.9 SHAMPONET DHE DISA PËRGATESA TJERA PËR LËKURË TË KOKËS

13.10 PËRGATESAT ANTIINFEKTIVE PËR LËKURË

POLIVIDON JODI

Indikacionet:

Dezinfektues i lëkurës, kryesisht në procedurat preoperative për të zvogëluar incidencën e infekcioneve të plagëve të operacioneve. Antiseptik vaginal për trajtimin e vaginitit jospecifik dhe të shkaktuar nga Trichomonasi dhe Candida.

Kundërindikacionet:

Pacientët me djegje dhe insuficiencë të mëlqisë.

Veprimet anësore:

Janë raportuar shumë rrallë veprime anësore me përdorim lokal të polividon jodit. Megjithatë aplikimi lokal i tij mund të rezultojë me absorbim sinjifikant të polividon jodit. Iritim lokal, kruarje, dhe djegje janë veprimet kryesore të raportuara. Përdorimi i tepruar dhe i zgjatur i polividon jodit lokal ka rezultuar nganjëherë me neutropeni. Te pacientët me djegje, janë paraqitur disa raste të acidozës së rëndë metabolike. Dëmtimi i mëlqisë është raportuar te pacientët me djegje të mëdha. Veprimet tjera anësore të raportuara janë: dermatiti, hipotireoidizmi dhe intoksikimi me jod.

Vërejtje të posaçme:

Te aplikimi vaginal absorbimi i polividon jodit është i shpejtë dhe koncentrimet e jodit dhe jodit inorganik në serum është i rritur ndjeshëm.

Dozimi:

Do të duhej të aplikohej direkt në sipërfaqen e afektuar të lëkurës 2-3 herë/ditë ose sipas nevoje. Mund të aplikohet edhe si xhel ose vagitorje, ose i përzier me ujë të vakët si dush vaginal.

Për shpërlarje të gojës çdo 2-4 orë tretësirë të paholluar ose të holluar me ujë të vakët në proporcion 1:1.

Format farmaceutike dhe dozat:

Tretësirë: 0.75% jod aktiv, 1% jod aktiv, 0.1% jod aktiv për shpërlarje të gojës

Vagitorje: 20 mg

BENZILBENZOATI

Indikacionet:

Zgjebë, pedikulozë.

Veprimet anësore:

Iritim i lehtë i lëkurës, dhe djegie kalimtare. Në rast reakcioni të rëndë përgatesa duhet lagur me ujë të ngrohtë sapuni.

Dozimi:

Te zgjebja: pas një banjimi me ujë të ngrohtë dhe fshirjeje, trupi fërkohet më një leckë të njomur me lëng, mundësia e dështimit është më e vogël nëse pas 5 ditësh fërkohet trupi edhe një herë. Në forma të rënda kronike trupi fërkohet tri herë në çdo 12 orë. I sëmuri pas 12 orëve të fundit bën banjo të ngrohtë, veshë ndërresa të pastërta dhe ndërron çarçafët. Në pedikulozë: Koka fërkohet me lëng dhe pas 24 orëve lahet me ujë dhe sapun. Në raste të rënda kjo procedurë mund të përsëritet 2 apo 3 herë.

Format farmaceutike:

Emulzion: 25%

KLOTRIMAZOLI

Indikacionet:

Te infeksionet e lëkurës, të shkaktuara nga dermatofitet (p.sh. llojet e gjinisë Trichophyton), majatë (p.sh. llojet e gjinisë Candida), myshqet dhe këpurdhat tjera si: tinea, paranychia, pithyriasis versicolor, eritrazma dhe intertrigo. Indikohet edhe te vulviti kandidial dhe balaniti kandidial.

Kundërindikacionet:

I kontraindikuar te pacientët me tejndjeshmëri ndaj barit.

Veprimet anësore:

Djegie dhe iritim i lehtë dhe i përkohshëm menjëherë pas përdorimit.

Dozimi dhe mënyra e përdorimit:

Aplikohet në një shtresë të hollë në vendin e prekur 2 deri 3 herë në ditë, të paktën 1 muaj për infeksionet nga dermatofitet dhe të paktën 2 muaj për infeksionet nga Candida. Nëse këmbët janë të infektuara ato duhet larë dhe fshirë mirë para aplikimit të përgatesës.

Format farmaceutike:

Kremë: 1%

MIKONAZOLI

Indikacionet:

Te infeksionet mikotike të lëkurës si dhe te infeksionet sekondare që shkaktohen nga bakterjet gram-pozitive.

Kundërindikacionet:

I kontraindikuar te pacientët me tejndjeshmëri të njohur ndaj barit.

Veprimet anësore:

Iritim në vendin e përdorimit dhe në raste të rralla tejndjeshmëri kur edhe duhet ndërpritet trajtimi.

Dozimi dhe mënyra e përdorimit:

Në zonat e prekura aplikohet një shtresë e hollë, 2 herë në ditë. Në infeksione e thonjëve përgatesa aplikohet 1 herë në ditë. Për të parandaluar rishfaqjen, duhet të përdoret 10 ditë.

Format farmaceutike:

Kremë: 2%

13.11 DEZINFEKTUESIT DHE DETERGJENTET

KLORHEKSIDINA

Indikacionet:

Antiseptik i lëkurës për plagë dhe lëndime në kirurgji, gjinekologji, obstetrikë, shpërlarje të fshikzës urinare, higjienë orale, stomatit, higjienë të duarve dhe të lëkurës; klorheksidina me neomicinë për largimin e stafilokokut nga zgavra e hundës.

Vërejtje të veçanta:

Të evitohet kontakti me sy, tru, meningje dhe veshin e mesëm; nuk është i përshtatshëm për zgavra të trupit; tretësirat alkoolike nuk janë të përshtatshme para diatermisë.

Veprimet anësore:

Ndonjëherë reakcione tejndjeshmërie, iritim mukozal, ngjyrosje e dhëmbëve, enjtje e gjëndrrave parotide.

Dozimi:

Për dezinfektim të plagëve dhe lëndimeve përdoret koncentrimi 0.05%, për dezinfektim të akneve 0.1%, për shpërlarjen e gojës dhe për stomatite, të shpërlahet goja dy herë në ditë nga 15 minuta; në sëmundjet e hundës të përhapet pomada 2-3 herë në ditë në sipërfaqen e brendshme të zgavrës së hundës.

Format farmaceutike dhe dozat:

Tretësirë e koncentruar: 5%, 4%.

Tretësirë për shpërlarjen e gojës: 0.2% 300 mL.

Pomadë për hundë: 0.1%, + neomicinë 3250 U/g.