Parandalimi dhe trajtimi i rinitit sezonal dhe vazomotor, trajtimi i astmës bronkiale te pacientët të cilët kanë nevojë për trajtime kronike me kortikosteroide.

Vërejtje të posaçme:

Infeksionet e patrajtuara nazale, pas ndërhyrjeve kirurgjike; në përdorimin e dozave të mëdha mund të vërehen edhe veprimet sistemike.

Veprimet anësore:

Veprimet lokale përfshijnë tharje e iritim hunde dhe fyti, epistaxis,dhe rallë ulceracione, çrregullime të të nuhaturit dhe shijes, glaukomë dhe shtypje e rritur intraokulare.

Dozimi:

Të rriturit dhe fëmijët mbi 6 vjeç 100 mcg (2 inhalime), 2 herë në ditë, maks. 400 mcg/ditë. Pasi që të qetësohen simptomet vazhdohet me 50 mcg 2 herë në ditë.

Format farmaceutike dhe dozat:

Aerosol nazal 50 mcg/inhalim.

BETAHISTINA

Indikacionet:

Humbje dëgjimi e shoqëruar me sindromin Menier, vertigo dhe tinitus.

Vërejtje të posaçme:

Astma, ulcerë peptike e mëparshme, shtatzani dhe laktacion; nuk rekomandohet te fëmijët.

Kundërindikacionet:

Feokromocitoma.

Veprimet anësore:

Dhembje koke, çrregullime gastro-intestinale, reakcione në lëkurë.

Dozimi:

Fillimisht 16 mg 3 herë në ditë, me ushqim; doza mbajtëse 24-48 mg/ditë.

Format farmaceutike dhe dozat:

Tableta: 8 mg, 16 mg

BETAMETAZONI

Indikacionet:

Trajtimi afatshkurtër i inflamacioneve lokale joinfektive të veshit dhe të hundës

Vërejtje të posaçme:

Të shmanget përdorimi i zgjatur. Si kortikosteroidet tjera.

Kundërindikacionet:

Infeksionet e patrajtuara

Veprimet anësore:

Në përgjithësi lokale.

Dozimi:

Në hundë 2-3 pika në çdo septum nazal 2 herë në ditë; në vesh, 2-3 pika çdo 3-4 orë. Pas qetësimit të simptomeve të zbritet doza.

Format farmaceutike dhe dozat:

Pika për vesh, hundë dhe sy: 0.1%.

GENTAMICINA

Indikacionet:

Infeksionet bakteriale në otitis externa.

Vërejtje të posaçme:

Të shmanget përdorimi i zgjatur.

Kundërindikacionet:

Perforim i timpanit të veshit.

Veprimet anësore:

Reakcione lokale.

Dozimi:

2-4 pikë 2-3 herë në ditë.

Format farmaceutike dhe dozat:

Pika për sy dhe vesh: 0.3%

KLORAMFENIKOLI

Indikacionet:

Ka spektër të gjerë të veprimit dhe përdoret në infeksionet sipërfaqësore të syrit dhe në infeksionet bakteriale në otitis externa.

Vërejtje të posaçme:

Të shmanget trajtimi i sërishëm dhe i zgjatur; të reduktohet doza tek dëmtimi i mëlqisë dhe i veshkeve; është e nevojshme të bëhet pasqyra e gjakut para dhe periodikisht gjatë trajtimit; të monitorohet koncentrimi i kloramfenikolit në plazmë tek neonatët.

Kundërindikacionet:

Shtatzania, laktacioni, porfiria.

Veprimet anësore:

Çrregullimet e gjakut duke përfshirë aneminë aplastike ireverzibile (me raporte që rezultojnë me leukemi), neurit periferik, neurit optik, eritemë multiformë, pështirosje, vjellje, diarre, stomatit, glosit, është raportuar hemoglobinuria nokturnale; sindromi gray (distenzion abdominal, cianozë e zbehtë, kolaps cirkulator) mund të pasojë dozat e tepruara tek neonatët me metabolizëm hepatik të papjekur.

Dozimi:

Në sëmundje të veshit 2-3 pika në vesh 2-3 herë në ditë; në sëmundje të syrit 1 pikë çdo 2 orë. Pas qetësimit të simptomeve doza zbritet gradualisht, trajtimi vazhdohet edhe 48 orë pas zhdukjes së simptomeve.

Si pomadë për sy 1 herë në mbrëmje nëse përdoren pika për sy gjatë ditës, nëse nuk përdoren pika për sy, 3-4 herë në ditë.

Format farmaceutike dhe dozat:

Pika për sy: 0.5%

Pika për vesh: 10%, 5%

KLOTRIMAZOLI

Indikacionet:

Infeksionet fungale në otitis externa.

Veprimet anësore:

Iritim lokal.

Dozimi:

2-3 herë në ditë, së paku 14 ditë.

Format farmaceutike dhe dozat:

Tretësirë:1%.

HIDROKORTIZONI

Indikacionet:

Inflamacionet ekcematoze në otitis externa; lezionet orale dhe perorale.

Vërejtje të posaçme:

Të shmanget përdorimi i zgjatur.

Kundërindikacionet:

Infeksione të patrajtuara.

Veprimet anësore:

Reakcione lokale.

Dozimi:

2-3 pika në vesh, 3-4 herë në ditë .

1 oribletë 4 herë në ditë; të vendoset sa më afër ulcerës dhe të shkrihet ngadalë në gojë.

Format farmaceutike dhe dozat:

Pomadë për sy: 0.5%

Pika për sy dhe vesh: 0.5%, 1.5%, 2.5%

PREDNIZOLONI

Indikacionet:

Infeksionet ekcematoze në otitis externa.

Vërejtje të posaçme:

Të shmanget përdorimi i zgjatur.

Kundërindikacionet:

Infeksionet e patrajtuara.

Dozimi:

2-3 pika në vesh, çdo 2-3 orë. Pas qetësimit të simptomeve, ulet frekuenca e përdorimit.

Format farmaceutike dhe dozat:

Pika për vesh: fosfat prednizolon Na, 0.5 %.

PREDNIZOLON-NEOMICINË

Indikacionet:

Infekcionet ekcematoze me infekcion në otitis externa.

Vërejtje të posaçme:

Të shmanget përdorimi i zgjatur.

Kundërindikacionet:

Shih më lart.

Dozimi:

2-3 pika në vesh 3-4 herë në ditë.

Format farmaceutike dhe dozat:

Pika për sy dhe vesh: fosfat prednizolon Na 0.5%, sulfat neomicine 0.5%.

Pika për sy dhe vesh: 1.5% prednizolon, 0.5% neomicinë

12.2 BARNAT QË VEPROJNË NË HUNDË

KSILOMETAZOLINA

Indikacionet:

Kongjestioni nazal.

Vërejtje të posaçme:

Të shmanget përdorimi i zgjatur; te fëmijët 3 muajsh.

Veprimet anësore:

Iritime lokale; veprim i reduktuar pas përdorimit të zgjatur (kongjestion si rebound efekt)

Dozimi:

Të rriturit: 2-3 pika në një septum nazal 2-3 herë në ditë, kur ka nevojë (maks. 7 ditë).

Fëmijët > 3 muaj: 1-2 pika, 1-2 herë në ditë, kur ka nevojë (maks. 7 ditë).

Format farmaceutike dhe dozat:

Pika për hundë: 0.1% (për të rritur), 0.05% (për fëmijë).

12.3 BARNAT QË VEPROJNË NË OROFARINKS

KLORHEKSIDINA

Indikacionet:

Higjienë orale, stomatit; klorheksidinë me neomicinë për largimin e stafilokokut nga zgavra e hundës.

Veprimet anësore:

Iritim mukozal, ngjyrosje e dhëmbëve, enjtje e gjëndrrave parotide.

Dozimi:

Për shpërlarjen e gojës dhe për stomatite, të shpërlahet goja dy herë në ditë nga 15 minuta;

Në sëmundjet e hundës, të përhapet pomada 2-3 herë në ditë në sipërfaqen e brendshme të zgavrës së hundës.

Format farmaceutike dhe dozat:

Tretësirë për shpërlarjen e gojës: 0.2% 300 mL;

Pomadë për hundë: 0.1%, neomicin 3250 U/g

MIKONAZOLI

Indikacionet:

Parandalimi dhe trajtimi i infeksioneve fungale orale; lezione të lokalizuara të zgavrës së gojës.

Vërejtje të posaçme:

Në shtatzani dhe laktacion; porfiri.

Kundërindikacionet:

Insuficienca hepatike.

Veprimet anësore:

Pështirosje, vjellje, diarre, rrallë hepatit.

Dozimi:

Në parandalimin dhe trajtimin e lezioneve orale dhe intestinale: të rriturit lyejnë gojën me 5-10 mL 4 herë në ditë, pas ushqimit. Të mbahet sa më afër lezioneve. Fëmijët deri 2 vjeç: 2.5 mL 2 herë në ditë; fëmijët 2-6 vjeç: 5 mL 2 herë në ditë; fëmijët mbi 6 vjeç: 5 mL 4 herë në ditë.

Në lezione të lokalizuara të përhapet në vendin e sëmurë me gisht të pastër.

Format farmaceutike dhe dozat:

Gel oral: 24mg/ml